მეცხრე დღის რეფლექსია

დამთავრდა,ჩემი აზრით,ძალიან საინტერესო და მნიშვნელოვანი ტრენინგი.
დღეს თითოეული ჩვენგანი პრეზენტატორი იყო.მივიღეთ  რეკომენდაციები კოლეგებისგან,რაც პროექტების უკეთ განხორციელებაში დაგვეხმარება.
მიუხედავად იმისა,რომ სამუშაო და დავალებები საკმაოდ გვქონდა,უზომოდ კმაყოფილი ვარ.ბოლოს და ბოლოს "სწავლის ძირი მწარე არის კენწეროში გატკბილდების". ჩემი სიტკბო კი ის არის,რომ ბევრი რამ ვისწავლე როგორც ტექნოლოგიური,ასევე თეორიული თვალსაზრისით. ვფიქრობ, უფრო აქტიურსა და საინტერესოს გავხდი სასწავლო პროცესს და მოსწავლეებიც მეტად მოტივირებულნი იქნებიან.
დიდი მადლობა უნიჭიერეს, პროფესიონალსა და უზომოდ განათლებულ ადამიანს,ქალბატონ ლალი გიგაურს, ძალიან საჭირო,მნიშვნელოვანი და ყოველთვის ზუსტი რჩევებისათვის.ღმერთმა უმრავლოს საქართველოს მისნაირი ადამიანები!

მერვე დღის რეფლექსია

ვაიმე,ძალიან დავიღალე! უნდა ითქვას,რომ თავი მაღლა არ აგვიწევია.
უპირველეს ყოვლისა,ვისაუბრეთ საშინაო დავალებაზე,ვიმუშავეთ მოსწავლის სავარაუდო ნაშრომის შეფასების ადაპტირებაზე.დავუბრუნდით პროექტის გეგმის შაბლონს და უკვე სასწავლო პროცედურები გავწერეთ.ვიმსჯელეთ და შევავსეთ დიფერენცირებული სწავლების ცხრილი.
რაც მთავარია,ტრენინგი დასასრულს უახლოვდება,წინ ნათელი ჩანს.

მეშვიდე დღის რეფლექსია

დღეს დატვირთულზე დატვირთული დღე გვქონდა.გადავხედეთ წინა ტრენინგის მასალებს,გავარკვიეთ და დავაზუსტეთ ბუნდოვანი ადგილები.ვიმუშავეთ ყველაზე არსებითსა და მნიშვნელოვანზე-მოსწავლის სავარაუდო პრეზენტაციაზე,მივიღეთ რჩევები მისი საბოლოო კონსტრუირებისათვის,გადავიტანეთ მოსწავლის სავარაუდო ნაშრომი ბლოგზე.ვისწავლეთ სასურველი ვიდეოს ბლოგზე გადატანა.
სახლში უნდა გავეცნოთ მოსწავლის ნაშრომის შეფასების რუბრიკას,რათა შევძლოთ მისი შესაბამისად ადაპტირება, და შევინახოთ გუგლდრაივში.

მოსწავლის ნაშრომი

მეექვსე დღის რეფლექსია

დღეს კვლავ დატვირთული დღე გვქონდა.ტრადიციულად,მიმოვიხილეთ საშინაო დავალება,შემდეგ გავიხსენეთ ბლოგზე ახალი გვერდების ჩამატება,დავიწყეთ მუშაობა მოსწავლის სავარაუდო ნაშრომზე,გავეცანით საავტორო უფლებებს და მოსწავლის ნაშრომის შეფასების კრიტერიუმებს.
ძალიან დავიღალეთ,მაგრამ ბევრი რამ ვისწავლეთ.

მეხუთე დღის რეფლექსია

ტრენინგი კვლავ საშინაო დავალების მიმოხილვით დავიწყეთ.ბლოგზე გავწერეთ მიმართულების მიმცემი კითხვები.მივეცით უკუკავშირი ერთმანეთს კომენტარების საშუალებით.
თუ წინა მეცადინეობაზე ბლოგში ფურცლის ჩამატება ვისწავლეთ,ახლა უკვე ზედმეტი ფურცლის წაშლა გავიხსენეთ,
ტრენინგის უმნიშვნელოვანესი თემა იყო ბლოგზე პორტფოლიოს გადმოტანა, რომელშიც  პროექტის გეგმა მოვათავსეთ.ასევე მივიღეთ საშინაო დავალება,პროცედურებამდე შეგვევსო პროექტის გეგმა.

მიმართულების მიმცემი საკვანძო კითხვები

ზოგადი კითხვა- 1)ვის შეიძლება ვუწოდოთ განათლებული ადამიანი?
                                2)როგორ ცვლის განათლება საზოგადოებას?

თემატური კითხვები:1) რატომ იყო  მნიშვნელოვანი ილია ჭავჭავაძის ეპოქაში რეფორმების გატარება,კერძოდ,აქცენტის განათლებაზე გადატანა?

2 )რამდენად აქტუალურია განათლების ნაკლებობის პრობლემა თანამედროვე საქართველოში?

3)რა ფაქტორები უშლის ხელს ჩვენს ქვეყანას,რომ მიაღწიოს განათლების მსოფლიო სტანდარტებს?

4)რა შეიძლება გაკეთდეს ამ პრობლემის გადასაჭრელად?

5)რას გავაკეთებ მე,როგორც მოქალაქე?

შინაარსობრივი კითხვები:1)რომელ საუკუნეში მოღვაწეობდა ილია ჭავჭავაძე?

2)რა კონკრეტულ ღონისძიებებს მიმართავდნენ ილია და მისი თანამოაზრეები განათლების ხელმისაწვდომობის ასამაღლებლად?

3)რომელ ნაწარმოებებში მსჯელობს ილია განათლების მნიშვნელობის შესხებ?